સેન્ટમેરી ખાતે યોજાયો સૌરાષ્ટ્ર પ્રદેશકક્ષા કલા મહાકુંભ ૨૦૨૨-૨૩

Spread the love

Share with:

Read Time:2 Minute, 15 Second

રમતગમત યુવા અને સાંસ્કૃતિક પ્રવૃત્તિઓ વિભાગના યુવક સેવા અને સાંસ્કૃતિક પ્રવૃત્તિઓ ગાંધીનગર દ્વારા આયોજિત જિલ્લા યુવા વિકાસ અધિકારી, જિલ્લા રમતગમત અધિકારીની કચેરી, ગીર સોમનાથ દ્વારા સેન્ટ મેરી હાઈસ્કૂલ, પ્રભાસપાટણ સોમનાથ ખાતે સૌરાષ્ટ્ર પ્રદેશકક્ષા કલા મહાકુંભ ૨૦૨૨-૨૩ યોજાયો હતો. જેના પહેલા દિવસે પ્રદેશકક્ષાની સમૂહગીત, એકપાત્રીય અભિનય, દુહા, છંદ, ચોપાઈ, ચિત્રકલા વગેરે સ્પર્ધાઓનું આયોજન કરવામાં આવ્યું હતું.

આ તકે સૌરાષ્ટ્ર પ્રદેશ કક્ષા કલા મહાકુંભ સ્પર્ધાની ૩૩ પૈકી કુલ ૮ કૃતિનું આયોજન કરવામાં આવ્યું હતું. જેમાં ૧૨ જિલ્લાના વિજેતા કલાકારોએ આ સ્પર્ધામાં ભાગ લીધેલ અને પોતપોતાના જિલ્લાનું પ્રતિનિધિત્વ કરેલું હતું. અહીં વિજેતા થયેલ કલાકારો રાજ્યકક્ષાની સ્પર્ધામાં ભાગ લેવા જશે. તમામ સ્પર્ધાઓમાં અંદાજે ૫૦૦ કરતાં પણ વધુ કલાકારોએ ભાગ લીધેલ હતો. જ્યારે તા.૨૩-૦૨-૨૦૨૩ના રોજ હાર્મોનિયમ, વાયોલિન, કુચીપુડી જેવી સ્પર્ધાઓનું આયોજન કરવામાં આવ્યું છે.

સેન્ટમેરી ખાતે યોજાયો સૌરાષ્ટ્ર પ્રદેશકક્ષા કલા મહાકુંભ ૨૦૨૨-૨૩

આ તકે જિલ્લા યુવા વિકાસ અધિકારી શ્રી એચ.ડી.મકવાણાએ સમગ્ર કાર્યક્રમની રુપરેખા આપી હતી. જ્યારે જિલ્લા પંચાયત પ્રમુખ શ્રી રામીબહેન વાજા, નગર-પાલિકા પ્રમુખ શ્રી પિયુષભાઈ ફોફંડી, જિલ્લા રમતગમત અધિકારી શ્રી વિશાલભાઈ દિહોરા, પ્રાંત યુવા વિકાસ અધિકારી શ્રી અશ્વિનભાઈ સોલંકી સેન્ટમેરી સ્કૂલ આચાર્ય શ્રી બીજુ સહિત બહોળા પ્રમાણમાં વિદ્યાર્થીઓ અને શહેરીજનોની પણ ઉપસ્થિતિ રહી હતી.