સંઘ સંસ્કારને ઉજાળનાર એક સ્વયંસેવકની પ્રેરણાગાથા

Share with:

Read Time:2 Minute, 22 Second

સંઘ સંસ્કારને ઉજાળનાર
એક સ્વયંસેવકની પ્રેરણાગાથા
💐💐💐💐💐💐💐💐💐💐

નાગપુરના 85 વર્ષના આરએસએસના સ્વયંસેવક શ્રી નારાયણ દાભાડકરજી કોરોના મહામારીની ઝપટમાં આવી ગયા. હાલત બહુ સારી નહોતી.
એમની દિકરી એમને નાગપુરની ઇંદિરા ગાંધી હોસ્પિટલમાં દાખલ કરવા માટે લઇ ગયા. એ દરમિયાન એમનું ઓક્સીજન લેવલ ખતરનાક સ્તરે ઘટી રહ્યું હતું. હોસ્પિટલમાં દાખલ થવા માટે એમની દિકરી ફોર્મ ભરી રહી હતી. એ સમયે નાનું બાળક લઇને રડી રહેલી એક મહિલા પર નારાયણ દાભાડકરજીની નજર પડી.
એ મહિલા કાઉન્ટર પર કરગરી રહી હતી પોતાના કોરોનાગ્રસ્ત 40 વર્ષના પતિને બેડ મળે એ માટે….
દાભાડકરજી સંઘના સ્વયંસેવક.
એમની અંદર પડેલા સંઘ સંસ્કાર બહાર આવ્યા. એમણે એક સંઘ સ્વસંસેવકના કર્તવ્યનું પાલન કરતા કાઉન્ટર પર વિનંતી કરતા કહ્યું : મારી ઉંમર આમ પણ 85 વર્ષની થઇ ગઇ છે. મારા જીવનનો તો ઉદ્દેશ્ય પૂરો થઇ ગયો છે. આથી મારી તમને વિનંતી છે કે મને જે બેડ મળ્યો છે એ પેલી બહેનના પતિને આપી દો, હજુ એ યુવાન છે, એણે હજુ ઘણી જવાબદારીઓ નિભાવવાની બાકી છે.’
ડોક્ટર સહિત હાજર ઘણા લોકોએ દાભાડકરજીને ખૂબ સમજાવ્યા, પણ દાભાડકરજી મક્કમ રહ્યા. પેલા કોરોનાગ્રસ્ત યુવાનને પોતાનો બેડ આપીને એક સંતોષ લઇને એ ઘરે પાછા આવ્યા.
ત્રણ દિવસ પછી નારાયણ દાભાડકરજીનું દેહાવસાન થયું.
ઉંમર ભલે ગમે તેટલી થઇ હોય પણ દરેકને જીવવાની લાલસા હોય છે પણ આ તો સંઘ સંસ્કારથી શિક્ષિત-દિક્ષિત સ્વયંસેવક હતા. એ ‘સ્વ’ નો તો ક્યારેય વિચાર જ કરતો નથી. સમાજ, રાષ્ટ્ર કે સમષ્ટિ માટે જીવે એ જ તો સંઘ સંસ્કાર છે….
જીવનની મહત્વની પળે સંઘ સંસ્કારને
ઉજાળનાર નારાયણ દાભાડકરજીને વિનમ્ર શ્રદ્ધાંજલિ….
પુણ્યાત્માને નમન……🙏💐🙏