ગેરકાયદેસર પ્રવૃતિઓ સામે લાલ આંખ:ગીરગઢડામાં દેશી બંદૂક સાથે એક શખ્સ ઝડપાયો; પૂછપરછ હાથ ધરતાં અન્ય એકનું નામ ખુલતા પોલીસે વધુ તપાસ હાથ ધરી

Spread the love

Share with:

Read Time:1 Minute, 21 Second

ગીરગઢડાના પીછવી ગામ નજીક તળાવ પાસેથી ગે.કા. દેશી જામગરી બંદૂક સાથે એક શખ્સને જિલ્લા એસ.ઓ.જીની ટીમે પકડી પડી અને આ બંદૂક ક્યાંથી અને કોણે આપી હોવાની વધુ પૂછપરછ હાથ ધરતા વધુ એક શખ્સનું નામ ખુલતા બે શખ્સો સામે પોલીસે ગુનો દાખલ કરી કાયદેસરની કાર્યવાહી હાથ ધરી છે.

ગીરસોમનાથ જિલ્લા એસ.ઓ.જી. ટીમ કોડીનાર વિસ્તારમાં પેટ્રોલિંગમાં હતા. તે દરમિયાન પો.કોન્સ્ટેબલ મેહુલસિંહ પરમાર તથા એ.એસ.આઇ. વિજયભાઇ બોરખતરીયાની સ્યુંકત બાતમી આધારે ગીરગઢડાના પિછવી ગામ નજીક આવેલ તળાવ પાસે અયુબશા મહમદશા રફાઇપાસેથી ગે. કા. લાયસન્સ કે પરવાનગી વગરની દેશી જામગરી બંદૂક-1 હથિયાર સાથે મળી આવતા પોલીસે પકડી પાડ્યો હતો. આ અંગે પોલીસે વધુ પૂછપરછ હાથ ધરતા આ હથીયાર અલી ઇબ્રાહીમ લાડક આપી ગયો હોવાનું જણાવતા બંને આરોપીઓ વિરૂદ્ધ પોલીસે આર્મ્સ એકટ મુજબ ગુન્હો નોંધી ધોરણસરની કાર્યવાહી હાથ ધરી છે.