ગીર સોમનાથ જિલ્લા સંકલન અને ફરિયાદ સમિતિની બેઠક યોજાઇ

Share with:

Read Time:1 Minute, 38 Second

ગીર સોમનાથ જિલ્લા સંકલન સહ ફરિયાદ સમિતિની બેઠક આજે કલેકટરશ્રી રાજદેવસિંહ ગોહીલના અધ્યક્ષસ્થાને ઈણાજ જિલ્લા સેવા સદન ખાતે મળી હતી. આ બેઠકમાં નાગરિક સેવાઓની અરજીઓનો સમયમર્યાદામાં નિકાલ થાય અને સરકારી વસુલાત અને મહાનુભાવશ્રીઓ તેમજ ધારાસભ્યશ્રીઓના ઉપરાંત પદાધિકારીઓના પત્રના સમયસર પ્રત્યુત્તર આપી અરજીઓનો નિકાલ થાય તે અંગે સંબંધિતોને સુચના આપવામાં આવી હતી.

આ બેઠકમાં ઉનાના ધારાસભ્ય શ્રી પુંજાભાઈ વંશ અને તાલાળાના ધારાસભ્યશ્રી ભગવાનભાઇ બારડે રજૂ કરેલા પ્રશ્નો અંગે સંબંધિત અધિકારી દ્વારા કરેલ કાર્યવાહી અંગેના જવાબ આપવામાં આવ્યા હતા. આ અંગે કલેકટરશ્રીએ અધિકારીઓને જરૂરી માર્ગદર્શન આપ્યું હતું.

આ બેઠકમા જિલ્લા પંચાયતના પ્રમુખ શ્રીમતી રામીબેન વાજા, જિલ્લા વિકાસ અધિકારીશ્રી રવિન્દ્ર ખતાલે, અધિક કલેકટરશ્રી લીંબાસીયા સહિત જિલ્લાના અધિકારીઓ ઉપસ્થિત રહ્યા હતા.