ગીર સોમનાથ જિલ્લામાં યોજાયેલ નેશનલ લોક અદાલતમાં ૩૪૮૧ કેસોનો નિકાલ કરાયો

Share with:

Read Time:1 Minute, 21 Second

ગીર-સોમનાથ તા. -૧૫, રાષ્ટ્રીય કાનુની સેવા સત્તા મંડળ, નવી દિલ્હી તેમજ ગુજરાત રાજ્ય કાનુની સેવા સત્તામંડળ, અમદાવાદના માર્ગદર્શન હેઠળ ગીર-સોમનાથ જિલ્લાના કાનુની સેવા સત્તામંડળના ઉપક્રમે જિલ્લા અદાલત ગીર સોમનાથ તેમજ તાબા હેઠળની તમામ કોર્ટોમાં નેશનલ લોક અદાલતનુ આયોજન કરવામાં આવ્યુ હતું. જેમાં ૩૪૮૧ કેસો રૂા. ૩,૩૬,૮૫,૫૯૦.૬૪ સમાધાન વળતર રાહે નિકાલ કરવામાં આવ્યો હતો. તેમા ચેક રીર્ટન, બેન્ક લેણા, વાહન અકસ્માત, લેબર, વીજળી બીલને લગતા, પાણીબીલને લગતા સર્વીસ મેટર, રેવન્યુ મેટર, લગ્નસબંધી, જમીન સંપાદનને લગતા કેસોનો નિકાલ કરાયો હતો. આ કેસોમાં પક્ષકારો વચ્ચે સુખદ સમાધાન થતા પ્રિલીટીગેશન કેસો-૧૭૬, પેન્ડીંગ કેસો-૧૨૦૭ અને સ્પેશીયલ સીંટીંગના કેસો-૨૦૯૮ મળી ૩૪૮૧ ફેસલ થયેલ છે. તેમ જિલ્લા કાનુની સત્તા મંડળ, ગીર-સોમનાથની યાદીમાં જણાવાયું છે.