ગીર-સોમનાથ જિલ્લાના બાગાયતદારો જાણવા જોગ

Share with:

Read Time:1 Minute, 11 Second

ગીર-સોમનાથ જિલ્લાના બાગાયતી ખેતી કરતા ખેડુત મિત્રોએ બાગાયત ખાતા, ગુજરાત રાજય, ગાંધીનગર દ્વારા બાગાયત ખાતાની વિવિધ સહાયલક્ષી યોજનાઓ માટે વર્ષ ૨૦૨૧ – ૨૨ માટે આઇ-ખેડુત પોર્ટલ તા.૩૦/૦૯/૨૦૨૧ સુધી ખુલ્લુ મુકવામાં આવેલછે. લાભ લેવા માંગતા બાગાયતદારોએ www.ikhedut.gujarat.gov.in પર ઓનલાઈન અરજીકરવાની રહેશે. સમયમર્યાદામાં વિવિધ સહાયલક્ષી યોજનાઓમાં અરજી કરી તેની નકલ સાથે જરૂરી કાગળો તાજેતરના ૭ / ૧૨ અને ૮-અ ના ઉતારાની અસલ નકલ, બેંક પાસબુકની નકલ, આધારકાર્ડ ની નકલ, ડ્રીપ ઇરીગેશન અંગેના પુરાવાની નકલ સાથે નાયબ બાગાયત નિયામકશ્રીની કચેરી, નગરપાલિકા સામે, વિનાયક પ્લાઝા-૧, ત્રીજો માળ, વેરાવળ ખાતે બીનચુક જમા કરાવવાના રહેશે. તેમ બાગાયત નિયામકશ્રી, ગીર-સોમનાથની યાદીમાં જણાવાયું છે.