ગીર-સોમનાથ જિલ્લાનાં બાગાયતી ખેતી કરતા ખેડૂતોને વાવાઝોડા બાદ બાગાયતી પાકોમાં રાખવાની થતી પ્રાથમિક તકેદારીઓ

Share with:

Read Time:1 Minute, 30 Second

ગીર-સોમનાથ તા. -૨૨, વાવાઝોડા બાદ પડી ગયેલ ઝાડ/છોડ ને સૈાપ્રથમ કાપી/છટણી કરી વધારાનો ડાળીઓનો ભાર હળવો કરવો. નાના છોડને ઉભા કરી મુળ ઉપર માટી ચડાવી ટેકો આપવો. ઝાડ/છોડ પળ્યાની વિરૂધ દિશામાં મુળના ભાગમાં ખાડો કરી છાણીયું ખાતર, મોરમ મીક્ષ કરી લેવલ કરી નાખવું ત્યારબાદ ઝાડ/છોડને જમીનમાં હયાત મુળ ન તુટે તે રીતે ઉભો કરી ખાડો ભરી થળના ભાગમાં પાળા ચડાવી ટેકો આપવો. ઝાડ/છોડ આસપાસ ખામણું કરી કોપર ઓક્સીક્લોરાઇડ ૬૦ ગ્રામ/૧૫ લીટર અથવા કાર્બેન્ડાઝીમ ૧૫ ગ્રામ/ ૧૫ લીટર પાણી સાથે ભેળવી હળવું પીયત આપવું. ઝાડ/છોડ કાપેલી/છટણી કરેલી ડાળીઓ પર બોર્ડીપેસ્ટ (મોરથુથુ, ચુનો, પાણી, ૧કિગ્રા+૧લી.) અથવા કોપર ઓક્સીક્લોરાઇડ (૬૦ ગ્રામ/૧૫લીટર) + સ્ટેપ્ટોસાઇકલીન (૧.૫ ગ્રામ / ૧૫ લીટર) નો છટકાવ કરવો. આ તકેદારીઓથી ઝાડ/છોડ પડી ગયા અથવા ઉખડી ગયા હોય તો કદાચ બચાવી પણ શકાશે. તેમ નાયબ બાગાયત નિયામકશ્રી, ગીર-સોમનાથની યાદીમાં જણાવાયું છે.