ગીર-સોમનાથ કોવીડ-૧૯ સિવિલ હોસ્પિટલની મુલાકાત લેતા પ્રવાસન મંત્રી જવાહરભાઇ ચાવડા

Share with:

Read Time:2 Minute, 3 Second

સ્થાનિક આરોગ્ય કેન્દ્રો વધુ સક્ષમ બનાવી લોકોમાં વેકસીન તથા ટેસ્ટ અંગે જાગૃતિ વધારવા ખાસ અભિયાન ચલાવવા તાકીદ કરતા મંત્રશ્રી ચાવડા

ગીર-સોમનાથ તા. -૧૫, પ્રવાસન મંત્રીશ્રી જવાહરભાઇ ચાવડાએ ગીર-સોમનાથ જિલ્લા કોવીડ હોસ્પિટલ અને આરોગ્ય કેન્દ્ર અને કોવીડ કેર સેન્ટર મુલકાત લઇ હોસ્પિટલની કોવીડ અંગેની વ્યવસ્થાઓની સમિક્ષા કરી હતી અને જરૂરી સુચનાઓ તેમજ માર્ગદર્શન પુરૂ પાડ્યું હતું. સિવિલ હોસ્પિટલ કોવીડ વોર્ડમાં દાખલ દર્દીઓને રૂબરૂ મળી જાત માહિતી મેળવી તેમના ખબર અંતર પુછયા હતા.

હોસ્પિટલમાં ડોકટરો, સ્ટાફ, બેડની સંખ્યા, ઓક્સજનની ઉપલબ્ધતા વગેરે બાબતોની ચર્ચા કરી હતી. જિલ્લાકક્ષાએ સિવિલ હોસ્પિટલનું ભારણ ઓછુ થાય અને લોકોને સ્થાનિક સ્તરે જ કોવીડ સારવાર ઉપલબ્ધ થાય તે હેતુથી ગ્રામીણક્ષેત્રે આદ્રી, અરણેજ, સિંધાજ, તડ, જામવાળા પ્રાથમિક આરોગ્ય કેન્દ્રની મુલાકાત લીધી હતી. લોકોમાં વેકસીન તથા ટેસ્ટ અંગે જાગૃતિ આવે તે માટે જાગૃતિ અભિયાન શરૂ કરવા જણાવ્યું હતું.

આ તકે સાંસદશ્રી રાજેશભાઇ ચુડાસમા, પુર્વ બીજ નિગમ ચેરમેનશ્રી રાજશીભાઇ જોટવા, અગ્રણીશ્રી ઝવેરીભાઇ ઠકરાર, માનસિંહભાઇ પરમાર, ડો.ગૈાસ્વામી સહિતના ઉપસ્થિત રહ્યા હતા.