“ઉનાના બેરોજગાર યુવાનોની જુનિયર ક્લાર્કની પરીક્ષા તાત્કાલિક યોજવાની માંગ, ગાંધીનગર સુધી માર્ચ કરવાની ચીમકી”

Spread the love

Share with:

Read Time:1 Minute, 15 Second

ગુજરાત સરકાર ફરીથી સુરક્ષિત રીતે પેપર કરાવવામાં નિષ્ફળ નિવડી છે. જો બેરોજગાર યુવાનોને યોગ્ય ન્યાય નહીં મળે તો ગાંધીનગર સુધી ગાંધી ચિંધ્યા માર્ગે આંદોલન કરવાની ફરજ પડશે તેવી ચિમકી ઉના તાલુકાના બેરોજગાર ઉમેદવાર યુવાનો તેમજ વિવિધ સંગઠનો દ્વારા ઉચ્ચારવામાં આવી છે.

યુવાનો પેપર ફુટવાથી માનસિક રીતે ભાંગી પડયા છે. અમુકવાર તો નાસીપાસ થઈ ગેરમાર્ગે જઈ રહ્યાં છે. અનેકવાર પેપર ફુટવા છતા શા માટે પેપર ફોડનાર પર કડકમાં કડક કાર્યવાહી કરવામાં આવતી નથી? સંવેદનશીલ સરકાર શા માટે બેરોજગાર યુવાનોની સંવેદના પર ખરી ઉતરતી નથી? તેવા પ્રશ્નો ઉભા થઈ રહ્યા છે. ત્યારે ગુજરાત સરકાર તરત જુનિયર કલાર્કની પરીક્ષા ફરી પુરેપુરી તકેદારી સાથે લઈ બેરોજગાર યુવાનોને યોગ્ય ન્યાય આપે તેવી માગ યુવાનો દ્વારા કરવામાં આવી છે.