ઇણાજ જિલ્લા સેવાસદન ખાતે કલેકટર શ્રી રાજદેવસિંહ ગોહિલના અધ્યક્ષસ્થાને ગૃહ મંત્રી શ્રી અમીતભાઇ શાહના સોમનાથ પ્રવાસ કાર્યક્રમ અંતર્ગત બેઠક યોજાઈ

Spread the love

Share with:

Read Time:1 Minute, 23 Second

ગૃહ મંત્રી શ્રી અમીતભાઇ શાહ તા. ૧૯ માર્ચ નાં રોજ ગીર-સોમનાથ ખાતે આવનાર છે. જેના આયોજન અંગે કલેક્ટર શ્રી રાજદેવસિંહ ગોહિલનાં અધ્યક્ષસ્થાને કલેક્ટર કચેરી ઈણાજ ખાતે બેઠક યોજાઈ હતી. ગૃહ મંત્રીશ્રી અમીતભાઇ શાહ ૧૯ માર્ચ ના રોજ સોમનાથ મંદિરમાં દર્શન-પુજન કરશે.

આ બેઠકમા કલેકટરશ્રીએ ગૃહમંત્રીશ્રીની સોમનાથ મુલાકાત દરમિયાન સુચારૂ આયોજન અને વ્યવસ્થા અંગે અધિકારીશ્રીઓને જરૂરી માર્ગદર્શન પૂરું પાડ્યું હતું. તેમજ સંબંધિત અધિકારીશ્રીઓને જરૂરી સુચનાઓ આપી હતી.

આ બેઠકમાં અધિક કલેક્ટર શ્રી બી.વી.લીબાંસિયા, નાયબ જિલ્લા પોલીસ અધિક્ષક શ્રી વી.આર.ખેગાર, કાર્યપાલક ઇજનેર માર્ગ-મકાન વિભાગ શ્રી સુનિલ મકવાણા, સોમનાથ ટ્રસ્ટના જનરલ મેનેજર શ્રી વિજયસિંહ ચાવડા સહિતના સંબંધિત વિભાગના અધિકારીશ્રીઓ ઉપસ્થિત રહ્યા હતા.