આણંદઃ ગરબે ઝુમી રહેલો યુવાન અચાનક ઢળી પડ્યો, હોસ્પિટલ જતાં રસ્તામાં જ મોત- જુઓ વીડિયો

Spread the love

Share with:

Read Time:1 Minute, 15 Second

ગુજરાતમાં હાલ નવરાત્રીની ધામધૂમથી ઉજવણી કરવામાં આવી રહી છે. ખૈલયાઓને બે વર્ષ બાદ ગરબા રમવા મળતા મનભરીને ગરબે ઝુમી રહ્યા છે. ત્યારે નોરતાના બે દિવસમાં ગરબે ઝુમતા બે લોકોના મોત થયા છે. જેનો વીડિયો હાલ સોશિયલ મીડિયા પર વાયરલ થઈ રહ્યો છે. એક ઘટના રાજકોટમાં બની છે. જ્યારે બીજી ઘટના આણંદમાં બની છે. ગરબે ઝુમી રહેલા યુવાનું અચાનક મોત થતાં લોકોમાં ગમગીની છવાઈ ગઈ છે.

પ્રાપ્ત વિગત અનુસાર, આણંદના તારાપુરમાં શિવ શક્તિ સોસાયટીમાં ગરબાની રમઝટ ચાલી રહી હતી. જેમાં વિરેન્દ્ર રાજપુત નામનો યુવાન પણ ગરબાના તાલે ઝુમી રહ્યો. આ દરમિયાન તે અચાનક જ જમીન પર ઢળી પડ્યો હતો. વિરેન્દ્ર ઢળી પડતા સ્થાનિક લોકો દ્વારા તેને હોસ્પિટલ લઈ જવામાં આવી રહ્યો હતો. પરંતું વિરેન્દ્રનું રસ્તામાં જ મોત નિપજ્યું હતું. આ ઘટનાને લઈને હાલ પરિવારમાં શોકનું મોજું ફરી વળ્યું છે.